මම විෂුවල් බේසික් වලට ආදරය කරන්නටත් එහි සුව විදීමටත් ආශා කලේ මීට වසර අටකටත් පෙර සිටය. මෙම භාෂාවේ ඇති අපූර්වත්වය මාගේ පළමු පරිගණක කෘතිය වන පරිගණක වැඩසටහන් සැකසීම කෘතියට අඩිතාලම දමන ලදි. මෙම කෘතිය මගේ ජීවිතය වෙනස් කොට මා නොසිතූ තැනකට ඔසවා තබන ලදි. මා අපූරු වූ මිනියෙක් වන්නට එහි අඩිතාලම මහත් වූ ශක්තියක් විය. වසර කිහිපයකට පසුව මගේ දසවන කෘතිය වෙබ් අඩවි සැකසීම කෘතිය වෙළද පොලට නිකුත්විය. එය විවෘත මෘදුකාංග එකතුවක් තනි කෘතියකින් විස්තර කළ අපූරු අවස්ථාවක් විය. දැන් මා දෙපසකය. එක් පසක විවෘත මෘදුකාංගත් අනෙක් පසින් වානිජ මෘදුකාංගත් තුරුළට ගෙන ජීවිත ගමනෙහි ඉදිරිය දකිමි. මේ දෙකෙහිම පහසින් මා ජීවිතය විදිමි එසේම ඇතැම් විට විඳවමි. අදින් ඇරබෙන මෙම ලිපි පෙළින් මෙම  දෙවර්ගයේම   මෘදුකාංග අපගේ පහසුව උදෙසා භාවිත කළ හැකි අන්දම පැහැදිලි කෙරෙන අපූරු ලිපිපෙළක් වනු ඇත.

මාගේ පළමු ලිපිය ඩොට් නෙට් හා  MySQL  අතර සම්භන්ධතාවයක් ගොඩ නගා ගන්නා අන්දම විස්තර කිරීමක්ය.

ඇයි ජාවා තියෙද්දී ඩොට් නෙට්.

ඒක මම දන්නේ නෑ. (ජාවා නොවෙයි) මම VB හොදින් දන්නා බැවින් මම VB.Net වලට මාරු විය. ගොඩක් පහසුවෙන් පරිශීලක මුහුණත සකසා ගත හැකි බැවින් හා පැරණි   දන්නා VB කේත එලෙසින්ම භාවිත කල හැකි බැවින් මට අලුතින් අපහසුවකින් තොරව භාවිත කළ හැකි බැවින් මම එය තෝරාගතිමි.  (ළඟදීම දවසක ඩොට් නෙට් භාවිත කර Linux මෙහෙයුම් පද්ධතිය සඳහා ද වැඩසටහන් සැකසිමට හැකිවන බැවින් ඩොට් නෙට් භාවිත කිරීම අනුවන ක්‍රියාවක් නොවන බව මා තේරුම් ගෙන ඇත) තව පොඩි රහසක් තියෙනවා මයිකෝසොෆ්ට් ආයතනය .NET සැකිල්ල දෙන්නේ නොමිලේ.  

ඇයි ඉතින්  MySQL  භාවිත කලේ

MySql දත්ත පදනමකට දත්ත ඇතුළත් කළ පසුව අපට එය PHP භාවිතයෙන් අන්තර්ජාලය හා පහසුවෙන් සම්භන්ධ කළ හැකිය. එසේම MySQL විවෘත මෘදුකාංගයක් බැවින් නොමිලේ ලබාගැනීමට කිසිදු අපහසුවක් නොමැත. දත්ත ගොනුවද ඉතා වේගවත් හා නම්‍යශීලී බැවින් යුතු නිසා මා මෙය තෝරාගතිමි.

කොහොමද VB.Net වලින් MySQL දත්ත පදනමකට දත්ත ගෙනවිත් ගබඩා කරන්නේ.

පොඩි වැඩයි කරන්න තියෙන්නේ

• පරිගණකයේ MYSQL ස්ථාපිත කරගන්න. මම හිතන්නේ තව වැඩ ගොඩක් කරන්න පුළුවන් වෙන්නත් එක්ක XAMPP ස්ථාපිත කරගන්න  (එවිට Apache සවරය ස්ථාපිත වී එහි MYSQL ස්ථාපිත වන අතරම phpMyAdmin ද අපට ලැබෙන බැවින්  MYSQL දත්ත පදනම පහසුවෙන් හැසිරවීමට අපට හැකිවනු ඇත.)  

• MYSQL හා ඩොට් නෙට් අතර සම්භන්ධතාවයක් සකසා ගැනීම සඳහා  අප විසින් පළමුව ODBC සම්භන්ධතාවයක් පරිගණකයේ සකසා ගත යුතුය. මේ සදහා ඔබ විසින් පළමුව   MYSQL Connector-ODBC පැකේජය Mysql.com වෙබ් අඩවියට ගොස් ලබාගන්න.

දැන් මෙම ලිපිය කියවා ODBC සම්භන්ධතාවයක් සකසා ගන්න.

ඉදිරි පාඩමකින් VB.Net කේතත් සමඟ හමුවෙමු.

ASP.net  එක්ක MYSQL භාවිත කරන හැටි වගේ පාඩම් පෙළක්ද ඉදිරියේදී ඔබ වෙත ලැබෙනු ඇත.

පරිගණකය අප ජීවිතය අපූර්ව වූ ඉසවුවක් වෙත ගෙන ගොස් ඇත. කුඩා දරුවාගේ පටන් මහල්ලා දක්වා සියලු අවශ්‍යථා සැපිරීමේ අපූර්ව වූ කාර්යයේ මෙය නියලෙමින් ඇත. නමුත් මගේ මාතෘකාවත් එහි දිගහැරුමත් මගේ ජීවිතය මොකක්දෝ වරදක් කලායැයි මට එත්තු ගැන්නූ දිනයක් පිලිබදවය.

දිනය 2008 ‍ජනවාරි මස එක් දිනක් ‍බව මට මතකය. SLIDA පංති‍ය අවසන් කොට මා බසයට ගොඩ උනේ මා විසින් ලබාදිය යුතු උපරිම දැනුම මා විසින් ලබාදුන්නාය යන හැගීමෙන්ය. තව වසර ගණනකට පසුව මා විසින් ලබාදුන් දැනු‍මින් මෙම පෘතුවියෙහි වෙන වෙනස් කම් මනසින් විදිමින් ගමන් කලෙමි. මා මේ ‍පොලවට බරක් නොවේ යන හැගීමත් මොකක්දෝ අඩම්බරයකුත් සිතේ තිබුනද සැබෑ ලෙසම මා ගමන් ගන්නේ බසයක බව තේරුම් ගත් මා අසුනක කොනක් අල්ලාගත්තේ ජීවිතයට පොඩිහෝ වාරුවක් අවැසි බැවින්ය. සුලු මොහොතකින් පින්සල් කිහිපයක් අති‍න්ගෙන තීන්ත ගෑවුනු ඇදුමකින් සැරසී ගත් අවුල්වූ හිසකෙස් සහිත පුද්ගලයෙකුද මේ බසයට ගොඩ උනේ බ‍සයේ සැමටම තිබූ ගමනාත්තයක අරමුනකින් තොරව බව මට සැනකින් තේරුම් කරදෙමින්ය. මේ බසයට ගොඩවුනේ වර්ථමා‍නයේ සිගමන් යදිමින් ජීවිතය ජීවත් කරගන්නට වෙරදරණ සැබෑ කලාකරුවෙක් බව මට පසක් වූයේ ඔහුගේ  දුක් අදෝනාවෙන් හා ඔහු තෙලිතුඩින් ඇදි සිතුවම් දුටුවිටය.

මහත්තයෝ දැනට අවුරුදු ගානකට ඉස්සර  මම කාටවත් අතපෑවේ නෑ මම තමයි සුනිල් ආර්ට්. කොලඔ තියෙන ගොඩක් බොඩ් ඇන්දේ මම. එකවැඩක් ඉවරවෙන්න කලින් තවවැඩක් ආවා. මහත්තයෝ පරාට කමුද, බුරියානිකමුද, දවල් කමුද, රා බොමුද කියලා බෝඩ් ඇන්ද මට අද ජීවිතය ගෙනයන්න වෙලා තියෙන්නේ මේ විදිහට කියලා ඔහු කියාගෙන කියාගෙන ගියත් ඉන් පසු කියූ කිසිවක් මා මනසට ගෙන යන්න තරම් හඩින් නොතිබුනාද නැත්නම් මා මණස ඔහු‍ වෙනුවෙන් හටගත් දුකින් එය නිවරදි අයුරින් තැම්පත් කොට නොගත්තේදැයි මට සිතා ගත නොහැක. මා ඊට පෙර සතියේ Photoshop ඉගැන්වූ අයුරුත් එහි ඇති මහා විස්කම් තේරුම් කරදුන් අයුරුත් මා  මනසට ව‍දදෙමින්  සිහිපත් කර දුන්නද මා උඩ සාක්කුවේ වූ රුපියල් පනහේ ඉතිරිය හැර යමක් මා ඔහුගේ අතේ නොතිබුවේ බසයෙන් ගම්පොල දක්වා එන්න තරම් ප්‍රමාණවත් මුදලක් පමනක් මා සන්තකයේ තිබුනු  බැවිනි.

දෙවියනි ! අකුරක් නිවරදිව ලිවීමට හෝ නොහැකි අය කලා කරුවන් නිර්මාණය කල අකුරු හැඩද,  පින්තූරයක සැබෑ වටිනාකම හා එය ගන්නට යෙදූ ආයාසය ද නොදැන එහි ඇති කොටස් කපා ඉවත්කොට එකට අමුනා කරන මෙම පරිගණක නිර්මාණ තුල සැබෑ කලාත්මක හැකියාවන් කෙලෙසකවත් දැකගත හැකිද. පරිගණකය නොමැතිව පින්සලක් අතින් ගෙන ඔවුනට මෙවැනි නිර්මාණ කල හැකිද, අප නිර්මාණ ලෙස කොට ඇත්තේ Copy Paste මිස අන් කවරක්ද?, අප මේ  හබායන්නේ කුමක්ද. පිටරටින් ගෙන්වූ උපකරණ හා එයට ඇතුලත් කරන තීන්ත හා මෘදුණය කිරීමට යොදාගන්නා කැන්වස් Digital Printing  නමින්  මෙරට අලෙවි කිරීමට තෝතැන්නක් සකසාදීම නොවන්නේද. අනාගතයේ මේ කලා කරුවන් ගෙන් පසුව ඉතිරිවනුයේ Copy Paste කරුවන් පමනක් නොවේද.

අපට වැරදී ඇතිද? වැරදුනේ කොතනද? සිතන්න.
ඔබ හිතේ ඇතිවූයේ කුමක්ද?.  ලියන්න.

ඔබ, මා ලබාගන්නා දැනුම ලෝකයේ කවරෙකුට හෝ හානිදායක නම් එහි ඇති ඵලය කිමක්ද? අප කරනුයේ Copy Paste නම් ?.  ඔහුට අහිමිකල අනාගතයම අපටද නුදුරේදීම හිමිවනු  ඇත.

මෙම පෝස්ට් එක ඔබ ජීවිතයට කිසිදු දැනුමක් ලබා නොදුන් නමුත් Photoshop වලින් වෙබ් අඩවියකකට අවශ්‍ය ‍ප්‍රමාණයේ පින්තුරයක් සකසන අයුරුත් වෙබ් අඩවියක ආරම්භක පිටුව කොටස් වලට බෙදාගන්නා අයුරුත් විස්තර කෙරෙන පහත ලින්ක් එකෙහි ඇති වීඩියෝව පරිගණකය වෙත ලබාගෙන හැදෑරීම කරන්න.  

Photoshop

ඔබ මේ වන විට ඔෆිස් 2007 භාවිත කරන්නෙකු නම් එහි ඇති අනන්තවත් වූ පහසුකම් වලින් ඔබ දෛනික කටයුතු කරගන්නවා ඇත. නමුත් ඇතැමෙකු තවමත් අහිමිවූ මෙනුව සොයමින් දුක්වනවා විය හැකිය. අපට අලුතින් බොහෝ දේ ලැබුනද පැරණි දෙය අමතක කළ නොහැකි බව නම් සැබෑ වක්මය. බොහෝ විට කොතෙකුත් සැප පහසුකම් ලැබුනද පැරණි දුකෙහි වින්දනය අමතක කළ නොහැකිව ඔබ ද  මා  ද    අතීත දුක සොයමින් සැරිසරයි. ඔෆිස් මෙනුව සොයමින් යන අතර තුර http://www.ubit.ch/software/ubitmenu-office2007 හී ඇය මට මුණගැසුනි. ඇය තවමත් මට හුරු පුරුදුය.

මම ටික මොහොතකට ඇය තුරුලට විය. ඇය මෙසේය. ඇය සමඟ පෙර  කොතෙක් දේ කළද මා දැන් ඇය අමතක කළ යුතුය. මම තවමත් ඇයට ආදරය කරමි. නමුත් මම 2010 සමඟ විවාහ වී ඇති බව මට මතක්විය. (ඔෆිස් 2003 හී තිබූ  මෙනුව 2007 වෙත මෙලෙසින් ආදේශ කොට ගත හැකිය. ඉහත රූපයේ පරිදි)

(පැරණි ලිපියකි). මා වෙනදා රාජකාරී කළේත් ජීවත් වූවේත් ගම්පොළය. මෙම වසරේ මා තීරණය කළ පරිදි සියබලාණ්ඩුව වෙත රාජකාරි මාරුවක් ලබාගතිමි. සියබලාණ්ඩුවේ වැසියන් වූ කලී ලොකු හරි අපූරු පුද්ගලයන්ය. මොවුන්ගේ ඇතැම් වැඩ මට ගෙන දු‍න්නේ ආතල්මය. ගොඩක් මිනිසුන් කරන්නේ එක දෙයක්ය, කියන්නේ වෙන දෙයක්ය. අපි කඩේ යන්නේ නෑ කියමින් සුපර්මාකට් යති. අපි මුදල් දී මෘදුකාංග  ගන්නේ නෑ කියමින් Credit Card වලින් ගෙවා ඒවා මිලදී ගනී. ‍අපි එයා එක්ක තරහයි කියමින් Virtual Box  තුළ Linux දාගෙන පොරටෝක් දෙති. ඔයා ඒක දාන්න එපා මේක දාන්න යැයි කියති. අපි විවෘත කියමින් ක්ලෝස් කඩේ දොරට හොරෙන් තට්ටු කරති. මේ බුවා ලන්තයේ  සිටින මගේ මොලයත් දැන් දැන් අවුල් වෙමින් තිබෙනවා යැයි මට ‍සිතේ.

Ubuntu හී ඇති රසය ද නොඅඩුව විඳි මට එයද දැන් දැන් එපාවී ඇත. මෙනිසාම මගේ 64 බිට් ලැපට - Mac OS  දාගෙන එහි ඇති අපූරුව රසවිඳින්න මට සිතුණි. VMware Server හි Create Virtual Machine යන්න තෝරා   VMware  හී Virtual Machine එකක් සැකසීම ආරම්භ කළෙමි. පසුව .VMX ගොනුවෙහි කුඩා වෙනස්කම් කිහිපයක් කොට  Mac OS  ස්ථාපිත කළෙමි. දැන් එය අනංග රංගනයේ යෙදේ. වීඩියෝව නරඔන්න. මෙම ලිපියේ ගොඩක් තාක්ෂණික කොටස් මා විසින් ලිවීම නොකරන ලදි. යම් ලෙසකින් යම් ‍තොරතුරක් අවශ්‍ය වේ නම් එය ලබාදීමට සූදානම්ය.

 

බිල්ගේට්ට සල්ලි දෙනවාද කැස්පරස්කයිට සල්‍ලි දෙනවාද

Microsoft Security Essentials

අපි හැමදාම ක‍ළේ නොදිය යුත්තාට යමක් දී දිය යුත්තාට යමක් නොදී සිටීමයි.  එනිසාම ඇතමෙක් බිල්ගේට්ට මුදල් නොදී OS එක ගෙන මුදල් ගෙවා ප්‍රතිවෛරස් මෘදුකාංග පිටපත් ලබාගෙන මෙතෙක් කලක් පාච්චි කරන ලදි. නමුත් දැන් දෙකම නොමිලේ ගත හැකිය එනම් වින්ඩෝස් මෙහෙයුම් පද්ධතිය සඳහා නොමිලේ භාවිත කල හැකි ප්‍රතිවෛරස් මෙවලමක් ‍මයික්‍රෝසොෆ්ට් සමාගම විසින් හදුන්වා දී ඇත. දැන් කැස්පරස්කයිට මුදල් දිය යුතු නොවේ. නමුත්  

ඉතින් මේ බ්ලොග් ලිවීමේ කාලය නොවේ. මේ සින්ඩි සැකසීමේ කාලයයි. සාර්ථක බ්ලොග් අඩවියක් පවත්වාගෙන යාමේ ෆෙන්ෂුයි රහස් පරිශීලනය කළ ඔබ ඉන් නොනැවතී කින්ඩි නොවන අයුරින් සිංඩියක් සැකසීම හා පවත්වාගෙන යාමේ ෆෙන්ෂුයි රහස් හැදෑරීමට සූදානම් වීම මට නම් ගෙන දෙනුයේ මහත් වූ ආනන්දයකි.  ඉතින් ඔබ ආශාව වන මෙම සත්වැදෑරුම් වූ  ෆෙන්ෂුයි රහස් කිහිපය ඉතා කෙටියෙන් විස්තර කිරීමට මම සූදානම් වෙමි.

අප බොහෝවිට බොහෝ දේ බැහැර කරනු ලබයි. විවෘත මෘද්‍රකාංගවලට සහය දක්වන්නන් මයික්‍රෝසොෆ්ට් මෘදුකාංග බැහැර කරති . මයික්‍රෝසොෆ්ට්  මෘදුකාංග  අපගේ ආර්ථීක සාරය උරා බොන්නට පැමිණි මෘදුකාංග ලෙස ඔවුන් දකි. මයික්‍රෝසොෆ්ට් මෘදුකාංග භාවිත කරනන් සිතා සිටිනුයේ ලොව අංක එකේ මෘදුකාග නිපදවනුයේ මයික්‍රෝසොෆ්ට් සමාගම බවයි. නමුත් ඇත්ත එය නොවේ. අප සෑම තාක්ෂණයක්ම දැනගත යුතුය. ඒ කිසිවක් කිසිවිටක බැහැර කළ යුතු නොවේ.  ලෝකයේ බොහෝ පිරිස් තම නැන පමනින් තාක්ෂණය භාවිත කරති, හා එහි අසිරිමත් වූ වින්දනය ලබමින් තම දෛනික අවශ්‍යතා පරිගණකය මෙහෙයවා කරගනු ලැබේ. නමුත් ශ්‍රී ලාංකිය අප දෙකොන පටලවා ගෙන වල්මත් වී සිටිති. 

නොමිලේ දැනුම ලැබේ නම්, දැනුම අප ජීවිතයට වැදගත් නම් කුමන තාක්ෂණයක් කුමන ලෙසකින් හැදෑරුවද කම් නැත. PHP වෙනුවට  ASP ද  Apache  වෙනුවට  IIS ද .Net  හෝ වෙනත් කවර දැනුමක්ද අප විසින් ලද යුතුය.  හැකිනම් මේ සියලුම තාක්ෂණයන් අප අපගේ අවශ්‍යතාවය වෙනුවෙන් යොදා ගත යුතුය.  

එන්න ඩොට් නෙට් තාක්ෂණය නොමිලේ හදාරමු. එම මෘදුකාංග නොමිලේ ලබාගනිමු. ඒම තාක්ෂණයෙන් වෙබ් අඩවි සකසමු. සියල්ල නොමිලේම ලබා ගනිමු. හෙට දින සියල් දැනුමින් පිරිපුන් පිරිසක් වෙමු.

Website Spark නොමිලේ ඉහත හඳුනාගත් සියල්ල ඔබ වෙත ලබාදෙනු ලබන අවස්ථාවකි. මයික්‍රෝසොෆ්ට් කුමන අරමුණකින් මෙය නොමිලේ දුන්නද අපගේ ඉලක්කය දැනුම නම් එය සොයාගෙන යමු. ඉන් අප ජීවිතය වර්ණවත් කරගනිමු.

Opportunity Visibility, support and software for professional Web Developers and Designers - at no upfront cost!

මේ සියල්ල දැන ගත් ඔබ මෙම අඩවියේ සාමාජිකත්වය නොගත්තෙක්ද? දැන්ම තීරණය කරන්න -->

ජීවිතය යනු හරි අපූරු දෙයකි. එහි වෙනස් වීම අපූරු ආශ්වාදයක් අප ජීවිතයට එක් කරනු ඇත. යමක් වෙනස් නොවී එකම ලෙසින් සිදුවීම, එකමදේ එක ලෙසින්ම කිරීම අප ජීවිතය අප්‍රාණවත් කිරීම හා අතෘප්තිමත් කිරීමට බොහෝවිට බලපානු ඇත. ලෝකය වෙනස් විය යුතුමය. එසේම එහි වෙනසද එහි ඇති සුන්දරත්වයද අප විදිය යුතුමය. අප වින්ඩෝස් 7 වැළඳගත්තේද එහි ඇති නන් විසිතුරු පහසුකම් ජීවිතයට වැළඳ ගත්තේද සැබෑ වෙනස් වීමක සැබෑ අවශ්‍යතාවය නිසාවෙන් නොවේද.

නමුත් ඔබ මින් ප්‍රාණවත් නොවූවෙක්ද. Windows Live Essentials  නොමිලේ ලැබෙන මෘදුකාංග එකතුවක් හා නොමිලේ ලැබෙන සේවාවන් එකතුවක් ය. අලුත් පහසුකම් සමඟින් එක්තැන්වූ Windows Live Essentials  පරිගණකයේ ස්ථාපිත කොට ගන්න. Messenger, Mail, Writer, Photo Gallery, and Movie Maker ,  Sync සහ Family Safety. හි ඇති නව පහසුකම් ඔබ තුරුලට ගෙන සැබෑ ප්‍රාණවත්භාවයකින් හෙට දින දවස අරඹන්න.

මෙහි ඇති පහසුකම් දැනගැනීම සඳහා http://www.windowslivepreview.com වෙත පිවිසෙන්න.

 

Microsoft just unveiled the new Windows Live Essentials.

http://bit.ly/dr90C6

බිත්ති හතරකින් වටවුනු කාමරයත් තුලට පිවිස පසුව ඒ තුල කරපු කියපු දේ  දැන සිටියානම්  ඒ ඔබත්, කාමර‍යේ සිටි අයත් පමණි. ‍ඔබ උගන්නන දේත් ඔබ ඉගෙනගන්නා දේත් මේ බිත්ති හතරෙන් පිට සිටින කිසිවෙකුට නොපෙනුනේ තාක්ෂ‍ණයේ වරදක් නිසාම නොවේද  Power Point 2010   කාමරයේ සිට කරන ‍දේ අන්තර්ජාලයේ සිටින අයටද ‍දැකගත හැකි අවස්ථාවක් උදාකර දී තිබේ.

කළයුත්තේ Side Show පටිත්තෙහි  ඇති Broadcast Slide Show යන නිරූපකය ක්ලික් කිරීමත් පසුව ඔබට ලැබෙන සංවාද කවුළු‍වෙන් Start Broadcast යන්න ක්ලික් කිරීමත් පමණි.

පසුව ඔබ වෙත ලැබුනු සබැඳුම ඔබ කරන කියන දේ දැකීමට කැමති අය වෙත ලැබෙන්නට සලස්වන්න.

ඔබගේ ඉදිරිපත් කිරීම සබැඳුම ඔස්සේ පැමිනෙන  සියල්ලන් හට  එලෙසින්ම දැකගත හැකිවනු ඇත.

මෙම පහසුකම සැබෑම පහසුකමක් නොවේද?

මේ දවස්වල හරි ග්‍රීස්මේ. ඔෆිස් එකේ රවුටරේ විතරක් නොවේ අපේ මොළයත් රත්වෙන තරමට පරිසරය රත්වෙන්න අරගෙන. ඉතින් මේකට මොකද කරන්නේ. ගන්න ඉවත් කරපු පරිගණකයක් ඒකේ තියෙන ෆැන්  ගලවලා වෙනම තැනක තියාගන්න. ඊට පස්සේ ඒකේ පවර් සප්ලයි එක ගලවලා අයින් කරන්න. දැන් පොඩි රිජිෆෝම් පෙට්ටියක් අරගෙන ඒකේ ‍උඩටයි එක පැත්තකටයි තව ෆෑන් පහ හයක් තියෙනවා නම් කැමති කැමති දිශාවට මේ ආකාරයෙන් සවි කර ගන්න.

දැන් රත්වෙන එක ඒකේ ඇතුළට දාන්න (රවුටරය  නම් ඒක, වෙන දෙයක් නම් ඒක)

දැන් ඒකේ ‍පෑන් වල රතු වයර් එකටත් කළු වයර් එකටත් ගෙන  පවර් සප්ලයි එකේ හාඩ් ඩිස්ක් වලට එහෙම විදුලිය දෙන අර වයර් හතරක් තියෙන එකේ කළු හා රතු හෝ කළු හා කහ වෙත සම්භන්ධ කරන්න (ෆැන් 12V නම් කහ එකත් කළු එකටත් පටලවන්න) දැන් අර මව් පුවරුවට විදුලිය දෙන වයර් මිටියේ කොල පාට හා කළු පාට වයර් වලින් කැමති එකක් එකිනෙක මේ ආකාරයෙන් වයර් එකකින් සම්භන්ධ කරන්න. නැත්නම් ස්විචි එකක් යොදන්න. දැන් ගොඩ.  පවර් සප්ලයි එකට විදුලිය සම්භන්ධ කරන්න. දැන් බූම් ගාලා ෆෑන් වැඩකරයි. හැබැයි කූල් වෙයිද කියලා  බලන්න