මචං මම කැස්පස් කයි දැම්මා, මේ බලපං ලයිසන් ම ගත්තා යැයි මගේ මිතුරෙක් හරි  ආඩම්බරයෙන් කියුවේ හරි හමන් මාතෘකාවක් අහිමිව ලියන්නට යමක් නොමැතිව වැලේ වැල් නැතිව අන්ත අසරණව සිටි මට හෙට පෝස්ට් එකක් දාපන් කියන්නාක් මෙනි.

මේ දවස්වල අලුත්ම ට්‍රෙන්ඩ් එක වන්නේ ඕපන් සොස් බුවාලා සේ පොර ටෝක් දෙමින්  වින්ඩෝස් සවන් හොර කොපියක් පරිගණකයේ ස්ථාපිත කොට ගෙන කැස්පර්ස් කයි මිළදී ගෙන පරිගණකයේ දාගනිම්න් වැඩකිරීම බව දැනගත්තේද එම මිතුරාගෙන්මය. මට මෙය මහත්වූ ආනන්දයක් ගෙන දෙන ක්‍රියාවක් වූයේ මෙමගින් බිල්ගේට්ට සතයක් වත් නොයන බවත්, අපි ඉතින් ඕපන් සෝස්නේ කියමින්   ඔහු ආඩම්බරයෙන් කියූ නිසාවෙන්මය. ඒක හරියට තරුපහේ හෝටලයක ගොස් අනාචාරයේ හැසිරී ආඩම්බරයෙන් එළියට විත් අපි ඉතින් උපාසකයෝ නේ කියන සමහර සුපිරි මිනිසුන් ගේ ක්‍රියාවලියට සමාන වන නිසාවෙන්මය.

·        මොකද තරුපහේ හෝටලය සමානයි කැස්පස් කයි, බිලගෙනුවාට පාඩු නෑ,

·        පොලිසිය කියන වයිරස් එන්නේ නෑ,

·        අනාචාරයේ හැසිරීම යන වින්ඩෝස් හොරෙන් භාවිත කිරීම ගැටළුවක් නොවේ 

·        ඕපන් සෝස් කියන උපාසක ආරූඪයෙන් පෙනී සිටිය හැකිය.

අප මේ කරන්නේ කුමක්ද?

නොගෙවනවා නම් නොගෙවිය යුත්තේ කාටද?  මෙය සංවාදයට විවෘතය. කවුරුත් කමෙන්ට් දැම්මේ නෑ කියා ගැටළුවක්ද නැත. මගේ අඩවියට ඒවායින් අඩුවක් නැත.