අද දවස හරි අපූරු දවසක් ම විය. අද උදෑසන වින්ඩෝස් 2003 සවරය අක්‍රීය ව නිසොල්මනේ වැතිරී සිටිනු දැකගත හැකියවිය. ‍වින්ඩෝස් 2003 සංයුක්ත තැටිය ඇතුළත් කොට r යතුර ඔබන්න කියුවද කිහිප අවස්ථාවක් කළද එය අසාර්ථක උත්සාහයක් විය. ඉතින් දැන් කාට කියන්නද? ‍සවරය සැපයූ ආයතනයෙන් පැමිණි හිරිමල් වයසේ තරුණයන් දෙදෙනාගේ අවසා‍න තීරණය වූයේ අලුතින් හාඩ් ඩිස්ක් එකක් සවිකොට එයට වින්ඩෝස් දමා පසුව අනෙක් හාඩ් වල ඇති බැකප් ගත හැකි බවය. එයටද කෝටේෂන් එකක් දමා තව මාස කිහිපයක් ඇතුළත කළ හැකි බව දන්වන ලදි. සවරයේ හාඩ් වෙන පරිගණකයකට සම්භන්ධ ‍කළ නොහැකි බැවින් මා උඩු යටිකුරු විය.

ඇත්තම මේක කරන්න මේ තරම් අපහසුද?

ප්‍රශ්නයට විසදුමක් ති‍බිය යුතුය. මම ඕ‍පන් සෝස් ‍ මිතුරන් දෙදෙනෙකුට කථා කලෙමි.

තාරක ලංකානෙට්

මස්සිනා මාව ගොඩ දාන්න බැරිද? මම ඔහුගෙන් විමසුවෙමි.

මචං ‍මම උඔට දීපූ ෆෙඩෝරා 11 ලයිව් සීඩී එක දාලා බූ‍ට් කරලා බලපං.. බැලුවා බූට් උනා හාඩ් පෙන්නන්නේ නෑ. මචං ඒකට හේතුව NTFS-3g ප්ලගින් එක නැතුව ඇති ඒකයි. උබුන්ටු වලින් බලපං. උබුන්ටු 8 වලින් බූට් උනෙත් නෑ.

එකම විසදුම සූපර් උබුන්ටු වලිනුත් ට්‍රයි කරපං. අර ලංකානෙට් එකෙන් දීපූ ඒකේ ගොඩක් දේ තියෙනවා.

අවසානයේදී එමගින් බූට් කළ හැකිවිය. රෙයිඩ් කරපු හාඩ් මගේ පෙන් ඔක්කොම පෙනෙනවා දැන් තියෙන්නේ බැකප් ගන්න එක විතරයි තෑන්ක් මචං.

මම අන්තවාදීව සිතුවා නම් අද දිනය තරම් අසාර්ථක දිනයක් තවත් නොමැති වනු ඇත. මා සාර්ථක විය ඒ මම අන්තවාදී නොවුනු බැවිනි.

සිතන්න ඔබ ....   

තාරක තෑන්ක් මචං. නුඔට ස්තුතියි.